2008-mi, Nunavut Kavamat Aullapkaitjutinginni atuqtakhaliuktut Nunani Upalungaiyautikhanik (ICSPs). (ICSPs) Nunani Upalungaiyautikhat hivunimut nunani atuqtitilirumik nutaanik Aullapkaitjutinginni. Atuqtakhaliurnikkut Aullapkaitjutinginnik hamlakkut atuqquyainik uvalluuniit apqutiliurnikkut ihuatqiyauniaktugalluaqtuq akituyunut Aullapkaitjutinginni havakhanut.

(ICSPs) Nunani Upalungaiyautikhat aullapkaitjutinginni uqaqtut qanuqtut tadja atuqtauyunut aullapkaitjutinginni Nunavut  nunaini naunaiklugit ihariariyauyut tikittumayatiklu. Tunihivaktut nunanut aullapkaitjutinginni piqqutait hivunimingni nunami atuqtakhatik. (ICSPs) Nunani Upalungaiyautikhat naunaikhiyukhat hivikittumi, akunganilu hivitunirmullu  atuqquhimayainik.

(ICSPs) Nunani Upalungaiyautikhat ihuaktut naunaiktait Nunavunmi  aullapkaitjutinginni ayukhautit. Ihuaqtait (ICSPs) Nunani Upalungaiyautikhat naunaiyattiakhimayut ihuaktut upalungaiyautit nunani atuqtauyukhat. (ICSPs) Nunani Upalungaiyautikhat nutanguktikrivangniaktuq ukiuk tamaat naunaikhimayunut, maniliurutikhanik tikitakhat allatlu nunani naunaiktauhimayunut. 

(ICSPs) Nunani Upalungaiyautikhat atuqtakhaliuktait umani Kasiliinut Taaksiiyaqtitaugutit Maniliurhimayait. Kihimi, nutaanguktigaghaittut (ICSPs) Nunani Upalungaiyautikhat, nutaat allangungitpata. Kavamatkut Nunavut ihuakhaiyuiq atuqtauyukhamik qaritauyatigut tamaita nunallaat tutqumavikhanik (ICSPs) Nunani Upalungaiyautikhat atuqtakhainik Hamlatkuni atannguyauyunit.

Una atuqtakhakhat qaritauyatigut tamaita nunat tutqumavikhanik, ikayuutauniaqtuq hivituyumut parnautiliurutikhanut atuqtakhamingnik, hamna atuqtakhat allanguqpakniaktuq nunat ihariahuutait maliklugit. Una atuqtakhak tamainit Kavamat Nunavunmi havakviit munakhiviit, hamlatkut atuqtakhainik qaritauyakkurutikhanik hivituyumut aturuminaqtunik. Hamlatkut piqarniaktut Nunanut Atuqpaktaktanut Upalungaiyautikhanut, nunamingni nunauyainik, Nunani Pivalliajjutikhalirinirmut Parnautikhat, Hilaup Aalannguqtirnikkut  Atuqtakhaliurutit Pangnairutikhat allaniklu atuqtakhanik ihivriuktukhat ihumagilugit nunamik angiklivalliatjutanit ihuakhaigumik ICSP-nik.